۱۳۹۲ آبان ۱۹, یکشنبه

رۆژگارە کورتەکان


دوا پێکەنینی وشک و مردووم
دوایین بزەی رووت و رەنجەڕۆ
دوایین زەردەخەنەی تەم لێ نیشتوو
دوایین قاقای ساڵەهای ساڵی تەنیایی
شەوان درەنگانێ
بەر لە شەڕی خەون و خەیاڵ
ئەچمە گیانی وەحشەت و
ئەبم بە پاییزێکی دڕ و هار
بەر لەوەی رۆژهەڵبێ
بەر لە سپێدەی رۆژگارە کورتەکان

ئاخ چ بێ شەرمانە
ئەبمەوە بە بزەی سەرشێتانەی

دوو درۆزنی دڵدار ....! 

هیچ نظری موجود نیست: