من و تۆ

من و
ئاوێنه‌یه‌کی  په‌رێشان
چڵێ هیوا و بستێک خه‌نده‌
جاده‌یه‌کی هه‌راسان و جووتێ پێڵاوی دڵته‌نگ
به‌م شاره‌دا تێ ده‌په‌رین
من و
ئه‌سپێکی سه‌رمه‌ست
باڵۆنێکی حه‌سره‌تاوی
شه‌مه‌نده‌فه‌رێکی خوێناوی
به‌نده‌رێکی بێ په‌نا
داڵده‌ ده‌درێین له‌ که‌ناری ئه‌م ده‌ریا شینه‌دا
منیش ئاوێنه‌که‌م شکاند
هه‌زار خه‌ونی شیرین فرین
هه‌موو له‌سه‌ر کورسییه‌کی ئێواره‌
دانیشتووین و یادی تۆ ده‌که‌ین تۆ "یار". 

وتەی ئەمرۆژانە

ئەمرۆژانە چاو لە ماڵپەرەکان دەکەین، هەموو بەشێوەیەک فەزایەکی گرژی و ئاڵۆزی بەسەر کوردستاندا زاڵەو هەر دەمێ چاوەروانیی ئەوە دەکردێ کە مێژوو دووپات بێتەوە، بڵێ ئەمجارە کوردستان و بزووتنەوەی کوردی بەرەو کام قۆناغی دیکە بروات؟ ئایا ئەمە دەرفەتێک دەبێ یان هەمیسان کورد لەم قۆناغەشدا بەرەو شکەست و ناهومێدی دەروات؟ لە راستیدا بە پێی ئەزموونی سەدەی نۆزدەو بیست کە کوردی پێدا تێپەری، بیری ناسیونالیستی لە نموونەی کەمالیستی رەشترین سیماکانی خۆی بەرامبەر نەتەوەی کورد نواند و شاڵاوی سەرکوت و ژینۆسایدی لە هەر چوار بەشی کوردستان لێ کەوتەوە. لە ئاکامی ئەم سەرکوتە خوێناوییەدا ناسیونالیزمی کورد و بزووتنەوەی کوردی سەی هەڵدا کە بەر بەم سەرکوتە بگرێت و شوناس و فەرهەنگی خۆی بپارێزێ... بەگشی دەمەوێ بڵێم بزووتنەوەی کورد قەت هێرشبەر نەبوە و تەنیا و تەنیا ویستوویە ئیستۆپێک بکات بەو بارودۆخە، تەنیا ویستوویە بڵێ بەسە و سەرکوت و هێرش بوەستێت و مافە سیاسی و کۆمەڵایەتییەکانی کورد وەک خۆی بدرێ. بەڵام بەداخەوە لەهەموو قۆناخەکاندا کورد گەیشتۆتە ترۆپک و لوتکە کەچی تووشی نسکۆ و ناهومێدی بووەو خوێناویترین بارودۆخی تێپەراندوە. هەمووکە رۆژهەڵاتی ناوەراست و جیهان بە گشتی ئامادەیە بۆ سەرهەڵدانی شۆرش لە هەموو وڵاتەکاندا، کورد دەبێ ئەم دەرفەتە بدۆزێتەوە و چآرەنووسی خۆی بەدەستەوە بگرێ. راستە شەرایەتی کورد فەرق دەکا بە نسبەتی لیبی و شوێنەکانی دیکە، بەڵام دەردی میللەتی کورد مێژینەیەکی زۆۆۆری هەیە و ئازاری پێوە چەشتوە، کەواتە دەبێ خۆی ئامادە بکات بۆ شۆرشێک کە بێگومان بێ قوربانی نابێت. ئێمە رۆژانە قوربانی دەدەین. بۆ ئەم قوربانیە نەگاتە کۆتایی؟ قسەی کۆتاییم ئەوەیە کە بڵێم شەقامی کوردی هێزی تەواوکەرە، پێوسیتە شەقامی کوردی بێدەنگ نەبێت و حزبەکان و خەڵک و روناکبیران هەر کام لە گۆشەیەکەوە شەقامی کوردی بهێننە دەنگ، دەنگێکی بەهێز کە بتوانێ وەڵامدەری ئەورۆ و پرسی کورد بێت. ئەمرۆ بێت یان سبەی  دەوڵەتی کوردی گارەنتی دیموکراسییە لە رۆژهەڵاتی ناوەراست و وەلانان و پەراوێزخستنی کورد و زەوت کردنی مافە سیاسی و کۆمەڵایەتییەکانی کورد و لەبەرچاونەگرتنی مافی شارۆمەندی کورد ئاکامەکەی شەر، نائەمنی و سەرهەڵدانی بزووتنەوە کۆمەڵایەتییەکانە و زۆرجاریش خوڵقێنەری توندو تیژی... وەسەلام

چرکه‌ی هه‌ناسه‌ سارد

وه‌حشه‌تی برینداربوونه‌وه‌م هه‌میشه‌
نه‌وه‌ی من شه‌قامی خوێنرێژ
خه‌ونی کۆڵه‌وار و زامار
ئازادی تارماییه‌ک بێقه‌رار
حه‌ز به‌مه‌رگی خودا ده‌که‌م
تا له‌سه‌ر عه‌ردی خۆم بژیم

بۆ؟؟؟؟؟؟؟؟؟؟؟؟؟؟؟؟؟؟؟؟؟؟

ساڵی 2011 ساڵی سه‌رهه‌ڵدانی شۆرشه‌کان له‌ رۆژهه‌ڵاتی ناوه‌راست و رووخانی دیکتاتۆره‌کان بوو، کورد به‌ مێژینه‌ی خه‌باتێکی دوور و درێژ بۆ ؟بۆ؟بۆ؟بۆ؟ هه‌ر له‌ جێی خۆیدایه‌؟ چه‌نده‌ ده‌بێ چاوه‌رێی گۆرانکاری بین؟ ئه‌مساڵ خه‌ڵکی ناوچه‌که‌ سه‌لماندیان که‌ هێزی گۆران خه‌ڵکن و ده‌توانن به‌ پێچه‌وانه‌ی شه‌پۆله‌کان برۆن، به‌لام کورد هه‌ر چاوه‌رێی چی ده‌کا؟!!! نازانم !!!

به‌یانیت باش

ده‌مه‌و به‌یان

به‌ر له‌ گزنگی خۆره‌تاو

تۆ له‌ نیشتمانی دڵمه‌وه‌ سه‌ر ده‌ردێنی

سارای ده‌شتی خه‌ونه‌کانم رووناک ده‌که‌ی

ویستم...

ویستم له‌گه‌ڵ نووسینه‌کانمدا، له‌گه‌ڵ ئه‌وه‌ی که‌ جار به‌ جار نووسینێک له‌ گۆشه‌یه‌ک له‌م رووپه‌ره‌دا ده‌نووسم و بڵاوی ده‌که‌مه‌وه‌، بیره‌وه‌ریی رۆژانی ژیانم هه‌ر له‌ منداڵیه‌وه‌، تا ئه‌و کاته‌ی بیرم دێته‌وه‌ بینووسم و پێ به‌ پێی ژیانم له‌ ده‌ره‌وه‌ی وڵات بیهێنم و فه‌رامۆش نه‌بن، ره‌نگه‌ له‌ ناو رێکه‌وته‌کاندا هه‌ڵه‌ بکه‌م، به‌ڵام گرینگترین کاته‌کانی ژیانم به‌ حه‌کایه‌تی خۆش و دڵته‌زێنه‌وه‌ ده‌یگێرمه‌وه‌، له‌گه‌ڵ ترس و دله‌راوکێکانم، له‌گه‌ڵ خۆشترین کاته‌کانی ژیانم و بنه‌ماڵه‌ی خۆم و ژیانی خۆم، ئازار و ژانی ژیانم هه‌موو ده‌گێڕمه‌وه‌، له‌ ناو بازنه‌ی ئه‌م هه‌موو نووسراوه‌ و تۆره‌ به‌رینه‌ی ئه‌نترنێتدا چۆن بتوانم جێی خۆم بکه‌مه‌وه‌ و که‌سێک هه‌بێ لایه‌ک بکاته‌وه‌ له‌م نووسراوه‌ کرچ و کاڵانه‌ و بیانخوێنێته‌وه‌. ب دڵنیاییه‌وه‌ ژیان ئه‌وه‌نده‌ بچووک بۆته‌وه‌ که‌ خوێندنه‌وه‌ له‌ چه‌ند دێر تێده‌په‌رێ مرۆڤ هیلاک ده‌کا. بۆیه‌ زۆر جار زه‌حمه‌ته‌ مرۆڤ خۆی ده‌ربخات له‌ ناو ئه‌م گێژاوه‌دا، به‌هه‌ر حاڵ ژیان مه‌ودا بدات ده‌ست پێ ده‌که‌م و له‌ هه‌ر ده‌رفه ‌تێک بۆم بره‌خسێ، لاپه‌ره‌یه‌ک له‌ ژیانم هه‌ڵده‌ده‌مه‌وه‌. به‌و هیوایه‌ چرایه‌ک هه‌ڵکه‌م بۆ سه‌رای پیریم. 

له‌گه‌ڵ ریزم بۆ هه‌موو دۆستانم و خوێنه‌ران

باران له‌ بێقه‌راری خوشکانی من ده‌چێ ...

ئه‌مرۆ باران ده‌بارێ، بارانێک به‌ بارته‌قای دڵۆپ، تاو تاو به‌ لیزمه‌ به‌ر ده‌بووه‌ گیانی زه‌وی و سه‌رو پرچی گه‌ڵاو گوڵی ده‌شێواند، جارجارێکیش هێمن وه‌ک سه‌ودای نیگایه‌کی بێقه‌رار. ئه‌مرۆژانه‌ باران له‌ خوشکانی بێقه‌راری من ده‌چێ، له‌و خوشکانه‌ی که‌ ته‌نیا بیره‌وه‌ری و ده‌نگیانم بیر دێته‌وه‌، ئه‌و خوشکانه‌ی که‌ نازدارن وه‌ک هه‌لاله‌ی به‌هاران. دڵیان وه‌ک کانیله‌یه‌کی رووناک. نیگایان وه‌ک په‌نجه‌ره‌یه‌کی باڵابه‌رز. هێند به‌ خه‌نده‌یان سه‌رمه‌ستم که‌ دائه‌نه‌وم بۆ منداڵیم. دره‌نگ بوو گه‌شتم به باران، زۆر دره‌نگ. زۆر دره‌نگ له‌ رازی دڵۆپ گه‌یشتم.. نه‌مزانی که‌ دڵۆپ مه‌ست ئه‌بێت، وام ده‌زانی ژیان به‌سته‌ڵۆکێکه‌ و ده‌شکێ، نه‌مزانی وه‌ک زوڵفی قه‌ترانیان نه‌رم و به‌رگه‌ ناگرم... به‌رگه‌ی سارانشین ناگرم.. خوشکانی من له‌گه‌ڵ دڵۆپ دڵۆپی باران ده‌بارن و منیش له‌گه‌ڵیان وه‌ک سێبه‌رێک ئه‌گه‌رێم. خوشکانی من ئامێزیان فێنک وه‌ک خوناوه‌ی باران و منیش بێتاقه‌تم بۆ خه‌نده‌یان.. 

ئه‌ی خوشکانی چاوه‌رێ بمبوورن به‌ منداڵیم 

ئه‌ی خوشکانی بێقه‌رار بمبوورن به‌ به‌خشه‌نده‌یی باران 

باران له‌ رێگای دووره‌وه‌ هاتووه‌ ... بێقه‌رار ده‌باری .... 

هێمن ... شاعیری هاوار و شیوەنی سەدەی بیستەم

ژیانی هێمن بەناو شەقامی دڕكاوی سەفەر دەكا ...

شاعیرو نووسەر و وەرگێڕو رووناكبیری ناوداری كوردستان، محەممەدئەمین، كوڕی سەید حەسەنی شێخەلیسلامی موكری ناسراو بە مامۆستا "هێمن" لە شەوی 4 لەسەر 5 ی مانگی مەیی ساڵی 1921 لە گوندی "لاچین"‌ی نزیك شاری مەهاباد لەدایك بووە. هەر بە منداڵی دەخرێتە بەر خوێندن‌و چەند ساڵ لە قوتابخانەی "سەعادەت" لە شاری مەهاباد دەخوێنێت.

چیاکانی زاگرۆس له‌ داوێنی ئاگردا

شه‌ریف باجوه‌ر، چالاکی ژینگه‌پارێزی مه‌ریوان

 کوردپا: دیارده‌ی ئاگر که‌وتنه‌وه‌ له‌ به‌روبوومی کوردستان، ژینگه‌ی کوردستان و خه‌ڵکی ناوچه‌که‌ی‌ به‌ره‌وڕووی مه‌ترسییه‌کی گه‌وره‌ کردۆته‌وه‌ که‌ ده‌رنجام و لێکه‌وته‌کانی زیان به‌خشن و پێشنه‌گرتن به‌م ره‌وته‌و په‌ره‌سه‌ندنی ئه‌م دیارده‌یه‌ ژینگه‌ی کوردستان چ له‌ رووی ئێکۆسیستمی و چ له‌ رووی ئابوورییه‌وه‌ رووبه‌ڕووی قه‌یرانێکی جیددی ده‌کاته‌وه‌. ئاگركه‌وتنه‌كانی ئه‌مساڵیش (1390) دیسانه‌وه‌ له‌ 18ی جۆزه‌ردانه‌وه‌ له‌ شاره‌كانی سه‌قز، مه‌ریوان، سه‌رده‌شت، سنه، ئیلام، نه‌وسوود و بۆكان ده‌ستی پێکردووه‌.

بزاڤی نەتەوەیی كورد لە روانگەی سیاسییەوە (5)

شێخ سەعید پیران 

شێخ ره‌زا دیرسیم

لە مانگی فورییەی 1925دا راپەڕینی شێخ سەعید پیران دەستی پێ‌كرد. شێخ سەعید یەكێك لە پیاوانی گەورەی ئایینی‌و خەڵكی ناوچەی "گەنج" بوو. بە دوای بەدەسەڵات گەیشتنی مستەفاكەماڵ لە توركیە‌و نەمانی خەلافەتی ئیسلامی، شێخ سەعید لە دژایەتی لەگەڵ "لائیتیسم"‌و بە ئامانجی بەرگری لە داهاتووی ئیسلام، دژ بە حكوومەتی نوێی توركیە راپەڕی.